Wednesday, 30 March 2011

..1

وكل يوم تفتح نوت او تمسك ورقة وقلم ومتكتبش حرف خايف بياض الصفحة يروح ويتلوث باللى فى دماغك وكأنة خوف من الكتابة ومع ان فى رغبة فى الكتابة اساسا
طيب عاوز تكتب وليه مبتكتبش كلام وحاجات كتير ملهاش علاقة ببعض
ورجعت تانى تتكلم عن نفسك وكأنك حد تانى
ـــــــــــــــــــــــــــــــــــــــــــــــــــــــــ
هو الشريط بيعيد نفسة من البداية ولا ايه وليه تسمح بكده وهو اصلا بايدك فى الفترة دى انك تسمح او متسمحش
ومع ان الشريط كل ميعيد نفسة خرزة من عقد الروح تنفك وتضيع
طيب مهو كده يبقى مبقاش فى الروح كتير
___________________________
كتبت حاجات زمان تقراها م الاول يمكن تعرف نفسك تقراها باستغراب هو انا اللى كتبت الحاجات دى اكيد كان حد تانى حد انا معرفوش دلوقتى جايز حاولت تنساه او تموته وللأسف قدرت لأنك مافتكرتش الكلام ده اتكتب امته ولا فى اى ظروف
ـــــــــــــــــــــــــــــــــــــــــــــــــــــــــــــ
ساعات بنتمنى حاجة تحصل وفى نفس الوقت متحصلش غريب الطبع ده
ــــــــــــــــــــــــــــــــــــــــــــــــــــــــــــــ
وكل متعرف حد وتصاحبة وتحبه اوى ويمشى وياخد حته من قلبك وبردو لسه فى باقى ومهو اكيد بردو انت مشيت من قلب حد وخدت منه حته من قلبه بس هو الطبع كده مبتاخدش بالك غير متأخر
____________________________
عشان تعرف تنام تاخد ساعتين فيهم بتعيش حياة تانية وحوارات واحداث وقصص ومقالات تتكتب تكلم نفسك كتير كتير اوى تعيش اللى نفسك تعيشه فيهم وترجع وتسأل نفسك هو انا كده اتجننت ولا بتصبر نفسك ولا ايه بالظبط
وبردو رجعت تتكلم عن نفسك وكأنك حد تانى
_____________________________
طيب انت فاضى
لا مش فاضى
اوكى عارف بس كنت بتأكد
ممممممم
طيب مفيش امل تبقى فاضى أصل محتاج اتكلم محتاج حد يسمع او مش حد محتاجك انت تسمع بس خلاص انت مش فاضى
______________________________
مش عاوز يوصل لانه يقول كان فى هنا فى يوم وخلص
__________________
بردو رجعت تتكلم عن نفسك وكأنك حد تانى جنان او جبان فرق مكان نقطة بس تفرق كتير
____
طيب نقطة ومن اول السطر

10 comments:

ana said...

هههههههههههههههههههههه يخرب عقلك ياساره كل كلمه كتباها انا حاسه بيها اوووووووووووووى انتى يابت بطلى تقرى افكارى انا هخبى منك بعد كدا:D:D:D
هوا كله انا حساه بس علقت معايا حتت ان الواحد حاسس انه فى شريط وبيتعاد وحته ان ساعات الواحد بيكتب حاجات ويجي يقراها يستغرب انه هوا اللى كاتبها ويحس انه دفن اللى كاتبها جواه ونسا هوا مين بعد اوى عنه
وعجبتني حته ان حد بيمشى وواخد حده من قلبك واحنا كمان بنمشى عن ناس وبناخد حته من قلوبهم
انتى مالكيش حللللللللللل

ana said...

يخرب عقلك ياساره كل كلمه فيها انا حساها بالظبط يخرب عقلك مش هتبطلى تهيكي على راسى انا بعد كدا هخبى منك :D:D
هوا كله حسيته اوى بس عجبتني حتته ان الدنيا عامله زي شريط بيرجع تانى وبتحسى انك بتعيشى حاجات عيشتيها تانى ومش قادره لاتسمحي ولامتسمحيش
وعجبتني حته اننا بنمشى عن ناس وواخدين حته من قلبنا واحنا كمان بنمشى عن ناس واحنا واخدين منهم حته
وعجبتني حته ان الواحد ساعات بيكتب حاجات ولما يجي يقرأها بعد مده يستغرب ويحس انه مش هوا لانه دفن نفسه جواه وكدب عليها اوى لدرجه انه معتش عارف هوا مين ولا قادر يفرق بين الكدبه فين والحقيقه فين وحاسس انه تايه ومش عارف هوا عاوز ايه ولا هوا كان فين ووصل لفين ولا بكره فيه ايه ولا عارف يفكر لانه اتعود يكدب فبقا صعب يرجع تانى يواجه الهروب دا وحش اوى
بجد مالكيييييييييييييييييش حللللللللل

Timo.. said...

ياااااااه..
كللل ده...؟؟!!
ده انا حسيتني باكلم نفسي وكل شوية ابص على عنوان المدونة يمكن اكون كتبت الكلام ده ونشرته وانا نايم مثلا..!!

"ورغم كل شيء..
بيفضل فينا شيء..بيعشق الحياة.."

عشان كده... عجبني البوست .... قوي (';')

صفا سارة said...

امانى ربنا يخليكى ليا :* :*

صفا سارة said...

Timo
مبسوطة انه عجبك :) :)

e_emy said...

هو ده بالظبط

Timo.. said...

كل شوية ادخل اقرا البوست بتاعك تاني وكأني عاوز اقرأ الكلام اللي انا باقوله لنفسي..

فاهمة حاجة..؟؟

صفا سارة said...

emy
:) :* وحشانى على فكرة

timo

فاهمة:) :مبسوطة انه معبر وفى نفس الوقت مش حلوة الحالة دى انها تفضل مستمرة

وجع البنفسج said...

سعيدة بمروري هنا .. ومستمتعة بالقراءة .
دمت بكل خير وصفاء

صفا سارة said...

نورتينى :)