كنت بسمع راديو سوا النهاردة هو فيه حاجة كده زى فقرة بيسألوا سؤال ويجيبوا اراء الناس فيه كان السؤال هل تعتقد ان الذكاء عند الذكور اكثر من الاناث؟
بغض النظر عن اجابة السؤال وان الذكاء ده من وجهة نظرى حاجة نسبيه عند كل فرد بغض النظر بئه عن النوع الا ان تلاقى واحد بيجاوب ويقول طبعا عند الرجال الذكاء اكتر لان النساء ناقصات عقل ودين وده نطلع منه بحاجة مفيدة ان الشيئ اللى قال الاجابة دى ان دل على حاجة فهو بيدل على الغباء والتخلف
لا وكان بيقول الاجابة بثقة والله من الرد المأسوى ده شر البلية ما يضحك فعلا
وانا بعترض على جملة ناقصات عقل ودين دى بغض النظر عن اى مرجعية ليها واى تفسير غير منطقى من التفسيرات اللى بتتقال وجه واحد اذكى اخواته بردو قال اكيد الرجال قوامون على النساء
وبجد انا ضحكت على الرد وفى نفس الوقت اتحرق دمى
يلا اكتر من كده وربنا بيشفى
2 comments:
السلام عليكم
ما هو بيقلك فيه ناس بتنزل تقول واء وناس تنزل تقول غباااااااااء ههههههه
الذكى اللى رد وقال ناقصات عقل ودين لو كان عارف امتى وليه ومعناها ايه ما كانش استشهد بيها
واعترض على العتراضك عليها دا رفع من قدر المرأة وتوضيح ان اعفائها من بعض الفروض ليس تقصيرا منها وانما جبرا عليها ولنا فيها كلام
والتانى بتاع القوامة يا اخى اتنيل هيا القوامة كلمة وخلاص ربنا يشفى ويهدى
الذكاء اعرف انه نسبى وفيه وراثة كمان واديكى بتشوفى اوائل ثانوية عامة كلهم بقوا بنات الذكاء ما لوش علاقة بالجنس يعنى
بس مما يدل على هبل البنات انهم بيسمعو راديو سوا
وش ميت على نفسه من الضحك
وواحد مطلع لسانه :-P
//
وبجد انا ضحكت على الرد وفى نفس الوقت اتحرق دمى
//
وانا كمان والله :))
Post a Comment