برد

لو اديك بردت بتلبس جونتى

لو رجليك بردت بتلبس شراب

لو كلك بردت بتشغل دفاية

لو قلبك برد بتعمل اييييه !!!!!!!

:(

زمان قولت ابتدينا نعيش

دلوقتى لا اكيد هنموت من البرد

ــــــــــــــــــــــــــــــــــــــــ

لما تيجى تتكلم مع واحدة عن حقوق المرأة تكتشف فعلا مش مودى البنات فى داهيه غير البنات نفسهم لا يقهر المرأة سوى المرأة

بلا قرف تستاهلوا كل اللى يجرالكوا

كلام

انك تكون بردان جدا ومع ذلك تسمع صوت المطر الساعة 3الفجر فتقوم تفتح الشباك وتقف فيه الهوا البارد وهو على الوش احساسة تحفة ريحة الجو خرافة نقط الميه اللى تيجى على وشك احساس تانى خالص

موقف زى ده بالنسبة ليا حرية ممكن واحد على مليون من الحرية اللى انا عايزاها لكن فقط هو المتاح

ـــــــــــــــــــــــــــــــــــــــــــــــــــــــــــ

ان يكون فيه فيديو لواحدة اجنبية اتحجبت وبغض النظر ان الفيديو ممكن يكون مفبرك او ان دى حريتها الشخصية اللى يستفزنى الردود عليه من نوعية "الله اكبر" "اللهم اعز الاسلام والمسلمين "الى الآن مش فاهمة ايه علاقة ان واحدة تغطى شعرها بإن فى ده عزة لللإسلام والمسلمين وهل انها غطت شعرها ده اضاف للإسلام حاجة مش عارفة بردو

ــــــــــــــــــــــــــــــــــــــــــــــــــــــــــ

مبحبش اكتب عن الاحداث اللى بتحصل يمكن لأن الكل بيتكلم وكلام كتير مفيش غير كده وكلامى مش هيزود حاجة ولا هيكون فيه إضافة لكن أحيانا بتكون طاقة ولازم تخرج مش أكتر

ــــــــــــــــــــــــــــــــــــــــــــــــــــــــــــ

ليه دايما الفترة اللى المفروض تكون مذاكرة بيحصل تدافع افكار ومليون موضوع ومليون سؤال ملهومش اجابة وأسئلة وجودية يلا هى عادتى ولا هشتريها يعنى

صحابى

عن صحابى اللى بجد صحابى الجدعان اوى والكويسين اوى واللى كلهم طيبين بردو اوى ربنا يخليكوا ليا

انتحار

ضربات قلب متسارعة نتيجة سرعة خطواتها المتجهة للطريق السريع

تصل تنظر حتى تخف حدة ضربات قلبها

اثناء ذلك تتابع السيارات الآتية من بعيد

تختار ماتبدو لها اسرعهم

تنتظر ربما ثانية اوشكت السيارة على المرور

تلقى بنفسها امامها وهى مبتسمة فقد تخلصت من كل القيود

وامامها رحلة اخرى :)